Հայաստանի յուրաքանչյուր մարզում 5-6 գյուղ կհամարվի զբոսաշրջային. որոշման նախագիծ է մշակվել

Հայաստանի յուրաքանչյուր մարզում 5-6 գյուղ կհամարվի զբոսաշրջային, որոշման նախագիծ է մշակվել: Ցանկում ընդգրկվել են այն բնակավայրերը, որոնք համապատասխանում են ՄԱԿ-ի Զբոսաշրջության կազմակերպության չափանիշներին:

Հայաստանի զբոսաշրջային գյուղերը ներկայացված կլինեն նաև միջազգային հարթակներում։

Այս պահին ընտրվել են այն գյուղերը, որոնք կարող են այցելուներին առաջարկ ներկայացնել: Քանի որ նախագիծը քննարկման փուլում է, գյուղերի ցանկը կարող է համալրվել։

Զբոսաշրջության կոմիտեն վստահեցնում է՝ գյուղերն ընտրվել են սահմանված չափանիշներով, իսկ յուրաքանչյուր գյուղի զարգացման համար կմշակվի գործողությունների հստակ պլան:

Հեղինակ՝ Լիանա Խաչատուրյան