Հայ շախմատիստների արդյունքները շախմատի աշխարհի 14-18 տարեկանների առաջնության 7-րդ խաղափուլից հետո
Ավարտվել է շախմատի աշխարհի 14-18 տարեկան պատանիների և աղջիկների առաջնության 7-րդ խաղափուլը: Այս մասին հայտնում է Հայաստանի շախմատի ֆեդերացիան:
Մինչև 14 տարեկան պատանիների խմբում Մանվել Առաքելյանը 7 հնարավորից ունի 6 միավոր և գտնվում է երկրորդ հորիզոնականում: Նույն տարիքային խմբում Տիգրան Համբարձումյանը ունի 4.5 միավոր, իսկ Տիգրան Սողոմոնյանը՝ 4 միավոր:
Մինչև 16 տարեկան աղջիկների խմբում Անահիտ Մկրտչյանը ունի 5 միավոր, իսկ Անի Ավետիսյանը՝ 4.5 միավոր:
Մինչև 18 տարեկան պատանիների խմբում Վահե Սուքիասյանը, Ռոբերտ Փիլիպոսյանը և Ռուդոլֆ Փաշիկյանն ունեն 4.5 միավոր։
Մինչև 16 տարեկան պատանիների խմբում Վաչե Հովակիմյանը ունի 4.5 միավոր:
Մինչև 18 տարեկան աղջիկների խմբում Նվարդ Հայրապետյանը ունի 4 միավոր:
Մինչև 14 տարեկան աղջիկների խմբում Գաբրիելա Հարությունյանը ունի 4 միավոր:
Առաջնության ավարտին մնացել է 4 խաղափուլ:
8-րդ խաղափուլը կմեկնարկի հոկտեմբերի 12-ին՝ Հայաստանի ժամանակով 17:00-ին:
