Մեծ Բրիտանիայի թագավոր Չարլզ 3-րդը պաշտոնական ճաշկերույթի ժամանակ իր ելույթում բարձր է գնահատել ԱՄՆ նախագահ Դոնալդ Թրամփի անձնական ներդրումն աշխարհի մի շարք հակամարտությունների լուծման գործում, նաև աջակցություն է հայտնել Ուկրաինային: Չարլզ 3-րդը նաև ընդգծել է Մեծ Բրիտանիայի և Միացյալ Նահանգների միջև սերտ կապերը: Իր հերթին, նախագահ Թրամփը շեշտել է, երկու երկրի միջև յուրահատուկ հարաբերություններ են հաստատված:
Բացի արքայական ընդունելությունից՝ Թրամփի պետական այցի օրակարգում են նաև քաղաքական քննարկումներ: Նախատեսվում է ԱՄՆ նախագահի հանդիպումը Մեծ Բրիտանիայի վարչապետի հետ: Նախքան հանդիպումը հայտարարվել է Մեծ Բրիտանիայում ամերիկյան ռեկորդային 150 միլիարդ ֆունտ ստեռլինգի ներդրումների մասին: Բրիտանիայի կառավարությունը դա անվանել է իր տեսակի մեջ ամենախոշոր առևտրային գործարքը, որի արդյունքում կստեղծվի 7600 նոր աշխատատեղ: Լոնդոնի և Վաշինգտոնի միջև ստորագրվել է նաև տեխնոլոգիական ոլորտում գործակցության համաձայնագիր՝ 31 միլիարդ ֆունտ ստեռլինգի չափով:
Մանրամասները՝ Սյուզաննա Չրաղյանի տեսանյութում:
