Եվրոպական երկրները պետք է հստակ ուղերձ հղեն Թրամփին. Ֆինլանդիայի վարչապետ
Եվրամիությունը ցանկանում է խորացնել կապերը Միացյալ Նահանգների հետ, թեև ընդունում է, որ տեսակետները կարող են տարբերվել որոշ թեմաների հետ կապված՝ Բուդապեշտում Եվրոպական քաղաքական համայնքի հանդիպումից առաջ հայտարարել է Եվրոպական խորհրդի նախագահ Շառլ Միշելը։ Ֆինլանդիայի վարչապետ Պետերի Օրպոն էլ նշել է, որ եվրոպական երկրները պետք է հստակ ուղերձ հղեն ԱՄՆ-ին և Թրամփի նոր վարչակազմին, որ կաջակցեն Ուկրաինային այնքան, որքան անհրաժեշտ է:
«Մեր ուղերձը պետք է լինի շատ հստակ և ուժեղ»,- ասել է Օրպոն լրագրողներին եվրոպացի առաջնորդների հանդիպումից առաջ: Նա հավելել է, որ Ուկրաինան պայքարում է «մի մոդելի» համար, որը ներառում է անդամակցությունը Եվրամիությանն ու ՆԱՏՕ-ին։ Ֆինլանդիայի վարչապետը նաև ողջունել է Գերմանիայում արտահերթ ընտրություններ անցկացնելու որոշումը՝ կանցլեր Օլաֆ Շոլցի եռակողմ կոալիցիայի փլուզումից հետո: «Մեզ անհրաժեշտ է ուժեղ և միասնական գերմանական կառավարություն, մեզ պետք է ուժեղ Գերմանիա Եվրամիությունում»,- ասել է Օրպոն:
Միջազգային լրահոսը՝ տեսաշարում:
