Հայաստանն Ադրբեջանի դեմ միջպետական չորրորդ գանգատի մեջ լրացում է նախապատրաստում ՄԻԵԴ-ում՝ Լեռնային Ղարաբաղից բռնի տեղահանված անձանց գույքային իրավունքների վերականգնման հարցով: Այդ մասին «Լուրերին» հայտնել է միջազգային իրավական հարցերով Հայաստանի ներկայացուցչի գրասենյակի մամուլի խոսնակ Հասմիկ Սամվելյանը:
Լրացված հայցը ներկայացվելու է առաջիկա ամիսներին, ժամկետը դեռ հստակ չէ: Չորրորդ գանգատը ամբողջությամբ վերաբերում է Լաչինի միջանցքում տեղի ունեցած դեպքերին, միջանցքի արգելափակման հետևանքով Լեռնային Ղարաբաղի հայության իրավունքների խախտումներին:
