Երևանում աշխատանքն է սկսել «Օրգանական ծագմամբ պարարտանյութերի արտադրության և սպառման խթանումը Հայաստանում» թեմայով աշխատաժողովը
Էկոնոմիկայի նախարարի տեղակալ Արման Խոջոյանի գլխավորությամբ նոյեմբերի 15-ին տեղի է ունեցել «Օրգանական ծագմամբ պարարտանյութերի արտադրության և սպառման խթանումը Հայաստանում» թեմայով աշխատաժողով։ Այդ մասին տեղեկացնում են նախարարությունից:
Միջոցառման ընթացքում ներկայացվել են «Ավենյու քընսալթինգ գրուպ» ՍՊԸ և «ԱՄ փարթնըրզ քոնսալթինգ քամփնի» ՍՊԸ կոնսորցիումի կողմից իրականացված ուսումնասիրությունների և վերլուծությունների արդյունքները:
Մասնավորապես, ներկայացվել են օրգանական կամ կենսաբանական ծագմամբ պարարտանյութերի արդյունաբերական արտադրության իրագործելիության ուսումնասիրության արդյունքները, որոնք ներառում են արժեշղթայի վերլուծություն, օգուտի և վնասի վերլուծություն, քաղաքականությունների, ինստիտուցիոնալ և օրենսդրական բարեփոխումների տեսանկյունից առաջարկություններ։
Աշխատաժողովն անց է կացվել ԳԴՀ տնտեսական համագործակցության և զարգացման նախարարության (BMZ) պատվիրակմամբ՝ Գերմանական միջազգային համագործակցության ընկերության (GIZ) կողմից իրականացվող «Բնական պաշարների կառավարում և էկոհամակարգային ծառայությունների պահպանություն Հարավային Կովկասում գյուղական տարածքների կայուն զարգացման համար» (ԷԿՈսերվ) բնապահպանական ծրագրի շրջանակներում:
