Kahramanmaraşda 4,8 maqnitudada zəlzələ qeydə alınıb

Fevralın 13-də Türkiyənin Kahramanmaraş şəhərinin Göksun rayonunda 4,8 maqnitudada zəlzələ qeydə alınıb. 

Bu barədə ölkənin Fövqəladə Halların İdarə Olunması Agentliyi məlumat yayıb.

Bildirilib ki, yeraltı təkanların ocağı 6,06 km dərinlikdə olub.

Xatırladaq ki, fevralın 6-da ocağı Türkiyənin Kahramanmaraş şəhərinin Pazarcık rayonu olan 7,7 maqnitudalı və 9 saat sonra episentri eyni şəhərin Elbistan rayonu olan 7,6 maqnitudalı iki zəlzələ olub. Güclü yeraltı təkanlardan sonra bölgədə 6,6 maqnitudayadək yüzlərlə afterşoklar qeydə alınıb. Təbii fəlakət Türkiyə və Suriyada böyük dağıntı və minlərlə itkilərə səbəb olub.