Türkiyənin nəqliyyat və infrastruktur naziri Abdulkadir Uraloğlu Ermənistanla sərhəddə dəmir yolu və avtomobil sərhəd-keçid məntəqələrinin açılması üçün hazırlıq işlərinin başa çatdığını açıqlayıb.
Onun sözlərinə görə, həm dəmir yolu keçid məntəqəsinin, həm də Alican avtomobil sərhəd-keçid məntəqəsinin açılması üçün zəruri hazırlıq işləri görülüb.
Uraloğlu qeyd edib ki, razılıq əldə olunacağı təqdirdə onların açılması çox vaxt aparmayacaq. Nazir sərhəd-keçid məntəqələrinin yaxın vaxtlarda açılacağına ümid etdiyini bildirib.
