Baş nazir Nikol Paşinyan Hökumətdə İspaniya kraliçası Əlahəzrət Sofiyanı qəbul edib.
Baş nazir Əlahəzrətin səfərini salamlayıb və ümid etdiyini bildirib ki, o, ölkəmizdən xoş təəssüratlarla ayrılacaq. Nikol Paşinyan əlavə edib ki, bu il artıq İspaniyanın iki yüksəkrütbəli rəsmisinin — əvvəlcə baş nazir Pedro Sançesin, daha sonra isə kraliça Sofiyanın Ermənistana səfərləri iki ölkə arasında münasibətlərin inkişaf etdiyini göstərir. Nikol Paşinyanın sözlərinə görə, siyasi dialoqu daha da möhkəmləndirmək məqsədilə ikitərəfli münasibətlərdə mövcud olan müsbət dinamikanı istifadə etmək lazımdır.
Kraliça Sofiya səmimi qonaqpərvərliyə görə təşəkkür edib və qeyd edib ki, göstərilən isti münasibətdən və ölkəmizdən təsirlənib. Əlahəzrət bildirib ki, Yerevanda Şahzadə Talal adına İnsan İnkişafı üzrə Beynəlxalq Mükafatın təqdimetmə mərasimində iştirak edəcək, həmçinin Ermənistanın tarixi-mədəni məkanlarını ziyarət etməyə, Ermənistan-İspaniya dostluq əlaqələrinə həsr olunmuş tədbirlərdə iştirak etməyə hazırlaşır.
Görüş zamanı baş nazir Paşinyan və kraliça Sofiya iki ölkə arasında münasibətlərin gələcək inkişafına dair məsələlər ətrafında fikir mübadiləsi aparıblar.
