Ukraynanın sülh danışıqlarını bərpa etmək üçün iki ayı var, əks halda Rusiyada 18-20 sentyabr 2026-cı il tarixlərində keçirilməsi planlaşdırılan parlament seçkilərindən sonra Rusiya Prezidenti Vladimir Putinin ümumi səfərbərlik elan etməsi ehtimalı var. Bunu Çexiya Prezidenti Petr Pavel NATO sammiti zamanı The Telegraph-a verdiyi müsahibədə bildirib.
Onun sözlərinə görə, hazırda Rusiya hakimiyyəti Ukraynanın aktiv hərbi təzyiqi səbəbindən daxili gərginliklə üzləşir. Buna görə də Ukraynanın müttəfiqləri Kiyevə bu təzyiqi artırmağa kömək etməlidirlər.
"Putinin ölkə daxilində sabitliyi qoruması getdikcə çətinləşəcək. Bu təzyiq davam edərsə və Ukrayna gələcəkdə Rusiya ərazisinin dərinliyindəki hədəflərə uğurla zərbələr endirərsə, bu, Rusiyanın danışıqlara daha çox meylli olacağı şərait yaradacaq", - Pavel bildirib.
