Rusiyanın xarici işlər naziri Sergey Lavrov ABŞ dövlət katibi Marko Rubio ilə telefon danışığı aparıb.
Rusiya Xarici İşlər Nazirliyi bildirib ki, söhbət zamanı son vaxtlar xeyli intensivləşmiş Rusiya-Amerika siyasi dialoqunun əsas mövzuları üzrə fikir mübadiləsi davam etdirilib.
Əsas diqqət Ukrayna böhranı mövzusuna yönəldilib.
Bir sıra digər beynəlxalq məsələlərə də toxunulub.
Bütün səviyyələrdə təmasların davam etdirilməsi barədə razılıq əldə olunub.
