Rusiya 2025-ci ilin may ayına kimi Kapanda Rusiya Baş Konsulluğunun açılışı ilə bağlı konkret razılaşmaların əldə olunmasını gözləyir.
Bunu Rusiya Xarici İşlər Nazirliyinin rəsmi nümayəndəsi Mariya Zaxarova deyib.
“Konsulluğun açılması ticarət, investisiya, təhsil, mədəni və humanitar əməkdaşlığın dərinləşməsinə, həmin ərazi ilə Rusiyanın regionları arasında qarşılıqlı faydalı əlaqələrin qurulmasına mühüm təkan olacaq.
Ölkələrimiz arasında iqtisadi gündəliyin Syunikdə təşviqi İranla azad ticarət sazişinin bu yaxınlarda ratifikasiyası ilə əlaqədar Aİİ formatında getdikcə daha çox əhəmiyyət kəsb edir", - Zaxarova qeyd edib.
O, əmindir ki, bütün bunlar Syunik bölgəsinin təhlükəsiz və dinc inkişafını təmin edəcək.
