Ermənistan Respublikasının Portuqaliya Respublikasındakı fövqəladə və səlahiyyətli səfiri Boris Sahakyan etimadnaməsini Portuqaliya Respublikasının Prezidenti Marselo Rebelo de Sousaya təqdim edib. Bu barədə Ermənistan Xarici İşlər Nazirliyi məlumat yayıb.
Rəsmi mərasimdən sonra qısa təkbətək söhbət zamanı Portuqaliya Prezidenti səfirə missiyasında uğurlar arzulayıb, onun təyinatının iki ölkə və xalqlar arasında dostluq və əməkdaşlıq əlaqələrinin daha da möhkəmlənməsinə və inkişafına xidmət edəcəyinə ümidvar olduğunu bildirib.
Həmsöhbətlər görkəmli erməni iş adamı və xeyriyyəçi Galust Qulbenkyanın iki dövlət arasında əlaqələrin möhkəmlənməsində körpü rolunu oynayan mühüm töhfəsini və rolunu yüksək qiymətləndiriblər.
