Son aylar Azərbaycanda xeyli miqdarda yağıntının olmasına baxmayaraq, Kür çayının aşağı axınında suyun səviyyəsi azalır, çayda çirklənmə səviyyəsi artır. Azərbaycanın sosial şəbəkələrində də Mingəçevir su anbarında suyun səviyyəsinin aşağı düşməsi ilə bağlı xəbərlər yayılır.
Sakinlər deyirlər ki, suyun geri çəkilməsi artıq adi gözlə görünür və su anbarının vəziyyəti nəzərəçarpacaq dərəcədə pisləşib.
Artıq bir neçə ildir ki, qlobal iqlim dəyişikliyi ilə əlaqədar iki ən böyük çayda - Kür və Arazda su ehtiyatları azalır. İsti aylarda bir çox dağ qolları tamamilə quruyur.
