Fransa prezidenti Emmanuel Makron Vladimir Zelenski ilə birgə mətbuat konfransında Parisin Ukraynaya 2 milyard avro hərbi yardım göndərəcəyini açıqlayıb.
Yeni paketə “Milan” tank əleyhinə raketləri, “Mirage” qırıcıları üçün MICA raketləri, “Mistral” zenit raketləri, zirehli texnika, döyüş sursatı və pilotsuz uçuş aparatları daxildir. Makronun sözlərinə görə, Ukrayna münaqişəsinin sona çatdırılması üçün “həlledici mərhələ” başlayıb.
Fransa prezidenti həmçinin ABŞ prezidenti Donald Trampın münaqişənin həlli istiqamətində səylərini alqışlayıb.
