İranın Birinci vitse-prezidenti və Azərbaycanın baş naziri İran ərazisindən Naxicevana gedən yolu müzakirə ediblər

İranın Birinci vitse-prezidenti Məhəmməd Reza Arefi Tehranda Azərbaycanın Baş naziri Əli Əsədovu qəbul edib.

Azərbaycan tərəfinin verdiyi məlumata görə, görüşdə ikitərəfli münasibətlər, o cümlədən iqtisadiyyat, ticarət, investisiyalar, kommunikasiyalar, neft-qaz, humanitar və digər sahələrdə əməkdaşlığın perspektivləri müzakirə olunub.

Məlumata görə, tərəflər İran ərazisindən Naxicevana nəqliyyat infrastrukturunun qurulması məsələsini müzakirə ediblər, Şimal-Cənub nəqliyyat dəhlizinin inkişafı və digər layihələrin həyata keçirilməsinə toxunulub.