ԿՐԹՈՒԹՅԱՆ ԲԱՐԵԼԱՎՄԱՆ ՀԱՄԱԼԻՐ ԾՐԱԳԻՐ ՍՅՈՒՆԻՔՈՒՄ
Կրթական որակյալ ծառայությունների հասանելիության ապահովման ծրագիրը Կառավարությունը սկսում է իրագործել Սյունիքի մարզից: 5 տարում կկառուցվի կամ կհիմնանոոգվի 300 դպրոց և 500 մանկապարտեզ: 3-6 տարեկան երեխաների 85 տոկոսը պետք է ներգրավված լինի նախադպրոցական հաստատություններում՝ կառավարության ծրագրի դրույթն ու նախընտրական խոստումը հիշեցրեց վարչապետը:
Նիկոլ Փաշինյան (ՀՀ վարչապետ) - Ամենակարևոր խնդիրը, որ մեր առաջ դրել ենք, հետևյալն է. որ կրթությունը իրականում հասանելի լինի Հայաստանի Հանրապետության բոլոր երեխաներին և ունենա պատշաճ որակ, որպեսզի բացահայտի Հայաստանի Հանրապետության բոլոր քաղաքացիների ամբողջ պոտենցյալը:
Կրթական ծառայություններից նույնիսկ լիարժեք օգտվելու դեպքում հիմա քաղաքացին կարող է բացահայտել իր պոտենցիալի ընդամենը 57 տոկոսը: Վարչապետի սեղանին ևս մեկ վիճակագրական տվյալ է. տարրական դպրոցի ավարտին աշակերտների մոտ 35 տոկոսը դժվարանում է կարդալ և հասկանալ պարզ տեքստը: Կապան խոշորացված համայնքում կրթական ծրագրի համար կներդրվի 9 միլիարդ դրամ:
Նիկոլ Փաշինյան - Ենթադրենք՝ ունենք դպրոց և ոչ շատ հեռավարության վրա ունենք մանկապարտեզ, որ պետք է հիմնանորոգվեն: Պետք է հաշվակենք՝ և՛ դպրոցի, և՛ մանկապարտեզի համար մեզ պե՞տք է 2 մարզասրահ ունենալ, թե՞ կարելի է մի փոքր ավելի գումարով կամ ընդհանուրի 60 տոկոսով ունենալ ավելի մեծ և հարմարեցված մարզասրահ, որը կօգտագործվի և՛ նախակրթարանի, և՛ դպրոցի համար:
Մինչև 100 աշակերտով դպրոցների թիվը 31,5 տոկոս է. ամենաշատը Սյունիքում են՝ 2/3-ը: Առաջարկվում է Կապանի 31 գյուղից 6-ում պահպանել դպրոցները, 25-ում ստեղծել 7 կրթական հանգույց՝ ապահովելու տարբեր համայնքների երեխաների որակյալ կրթությունը:
Վահրամ Դումանյան (ԿԳՄՍ նախարար) - Հանգույցների գործունեությունը ապահովելու համար առաջարկվում է կառուցել 8 ճանապարհ, ծրագրի մեջ ներառված են նաև տրանսպորտային միջոցները, ընդ որում՝ 6 դպրոց և 7, ընդհանուր 13-ից 5-ը նոր կառուցվող դպրոցներ պետք է լինեն, 8-ը՝ նորոգում:
Ծրագիրը ներառում է նաև բարձրորակ ուսուցչական կազմի համալրման ու ապահովման աշխատանք: Կբարելավվեն շենքային պայմանները, կրթական հաստատությունները ձեռք կբերեն նոր գույք, կկառուցվեն լաբորրատորիաներ: Կվերանայվեն կրթական ծրագրերը:
Ժաննա Անդրեասյան (ԿԳՄՍ նախարարի տեղակալ) - Ունենում ենք դեպքեր, երբ տարիքային տարբեր խմբեր միասին որոշ դասապրոցես են կազմակերպում, մեթոդական առանձին աշխատանք է պահանջվում, համալիր ծրագիր է՝ ենթակառուցվածք, բովանդակություն:
Նիկոլ Փաշինյան - 2021-ին Սյունիքի մարզի նախադպրոցական տարիքի երեխաների 5.6 տոկոսնը հնարավորություն, հասանելիություն ունի նախակրթարանային ուսուցման, սա շատ բանի մասին է խոսում:
Նիկոլ Փաշինյանը ներկայացրեց նախադպրոցական և հանրակրթության ոլորտի խնդիրները, կարևորեց ծրագրի արդյունավետ իրականացումը:
Նիկոլ Փաշինյան - Պետք է մաքսիմալ արդյունավետ անենք, այսինքն՝ նախակրթարանը կառուցենք մոտ, և ընդհանուր ենթակառուցվածքը նախակրթարանի և դպրոցի հնարավորինս շատ լինեն, որ կարողանանք մի տեղ կենտրոնացնել, առավել մեծ ֆինանսներ կենտրոնացնել միացյալ կրթահամալիրի վրա:
Հանգուցային կրթահամալիրներ երեխաների տեղափոխման համար պետությունը ձեռք կբերի նոր տրանսպորտային միջոցներ, որոնք կունենան հատուկ գունանշում: Վարչապետը խնդիր դրեց, որ վարորդները կրկնակի քննություն հանձնեն, կրեն համազգեստ: Միայն Կապանի համար անհրաժեշտ կլինի 8 տրանսպորտային միջոց: Կնորոգվեն գյուղերից դպրոցներ տանող բոլոր ճանապարհները:
Նիկոլ Փաշինյան - Համալիրներն ապահովելու են, արդեն իսկ համալրվել են նոր գույքով, այդ շենք ոչ մի հին աթոռ չի մտնելու, որևէ հին բան չի մտնելու, ամբողջությամբ նոր միջավայր, որտեղ պետք է ապահովենք բարձրորակ կադրերով, որոնք ստանան պատշաճ աշխատավարձ: Այդ մեխանիզմն ունենք, մի քանի տարում կունենանք մի գծից վերև գտնվող ուսուցիչներ՝ ատեստավորման շնորհիվ:
Նիկոլ Փաշինյանը ներկայացրեց ևս մեկ վերլուծություն, ըստ որի՝ միայն կրթական բաղադրիչի ազդեցությամբ հնարավոր է ապահովել համախառն ներքին արդյունքի աճ:
Նիկոլ Փաշինյան - Եթե մինչև 2030 թվականը 15 տարին բոլորած շրջանավարտները հատեն ընթերցանուության, մաթեմատիկայի, բնական գիտությունների գնահատման նվազագույն շեմը, ապա համախառն ներքին արդյունքը այլ հավասար պայմաններում 2015-ի նկատմամբ կաճի 293 տոկոսով: Սա կարևոր ռազմավարական ծրագիր է: Նույն հետազոտությամբ 2019 թվականի արդյունքով 2018-19-ի մեր գիտելիքի աշակերտների իմացության ցուցանիշմերը շոշափելի աճ են արձանագրել: Մասնավորապես, Հայաստանը 2019-ի արդյունքներով 2015-ի նկատմամբ 400 միավորից ցածր հավաքած սովորողների մասնաբաժինը՝ 30 տոկոսից 20 տոկոս, ընդհանուր ցուցանիշը խոր մտահոգիչ է մնում:
Կապան համայնքի բոլոր գյուղերը չէ, որ ունեն առանձին գործող դպրոցներ: 31 գյուղի երեխաների կրթությունը կազմակերպվում է 18 դպրոցում:
Ժաննա Անդրեասյան - Եթե ստեղծենք ենթակառուցվածքներ, առանց բնակության վայրի փոփոխության, նպաստելու է ժողովրդագրական աճին, կանխենք հակափաստարկը, որ ավելի կարևոր է շենքի ֆիզիկականը, կարևոր է, որ ապահովենք կրթական որակյալ ծառայություն և հասանելիություն:
Արմեն Ղուլարյան (ՀՀ քաղաքաշինության կոմիտեի նախագահ) - Կապանի 31 գյուղական բնակավայրերի կենտրոնացված 13 համալիրի, 10-ի համար նախագծման մրցույթ է հայտարարվել:
482,3 ՄԼՆ ԴՐԱՄ Է ՀԱՏԿԱՑՎԵԼ ԱՎՏՈՃԱՆԱՊԱՐՀՆԵՐԻ ԿԱՌՈՒՑՄԱՆ ՀԱՄԱՐ
Կառավարությունը 482 միլիոն 302 հազար դրամ հատկացրեց մի շարք ավտոճանապարհների կառուցման համար:
Գնել Սանոսյան (ՀՀ տարածքային կառավարման և ենթակառուցվածքների նախարար) - Նպատակն է՝ նորոգման համար նախատեսել ֆինանսական միջոցներ: Դեռ հունիսին հայտարարվել էին մրցույթներ, կնքվել են պայմանագրեր:
Նիկոլ Փաշինյան - Սեզոնն ավարտվում է, մենք 500 կմ ճանապարհ կառուցելու մեր հանձնառությունը ի կատար ածո՞ւմ ենք, առանց սուբվենցիաների:
Գնել Սանոսյան - Այո:
Նիստի ավարտին վարչապետը հայտարարեց, որ Հայաստանում կորոնավիճակի մի փոքր կայունացում և ամենօրյա դեպքերի մի փոքր նվազում կա: Կատարվել է 954 հազար պատվաստում: Փաշինյանը կոչ արեց շարունակել հետևել հակահամաճարակային կանոններին, պատվաստվել՝ համավարակը հաղթահարելու և մահերից խուսափելու համար:
