«Սմերչի» հրթիռը՝ բնակելի տան պատշգամբում
Հակառակորդը միտումնավոր ոչնչացնում է Ստեփանակերտի և այլ հայկական բնակավայրերի բնակֆոնդը: Այս մասին հաղորդում է «Լուրեր»-ի թղթակից Մուշեղ Իսախանյանը:
«Ապացույցը իմ հետևի պատշգամբում գտնվող «Սմերչ» զինատեսակի հրթիռի բեկորն է: Մոտ 6 հազար նման տուժած շինություններ ու սեփականություններ կան: Առավել վտանգավոր են արգելված, կասետային հրթիռները, որոնց մնացորդները դեռևս պայթած չեն: Նման բեկորները թափված են փողոցի տարբեր հատվածներում: Արցախի արտակարգ իրավիճակների պետական ծառայության աշխատակիցներն արդեն մի քանի օր է՝ որոնողական աշխատանքներ են իրականացնում, հայտնաբերում են նման չպայթած, կասետային հրթիռների ռումբերը, տանում ավելի անվտանգ տարածք և ոչնչացնում»,- պատմում է Մուշեղ Իսախանյանը:
Կասետային ռումբերի մի մասն իսրայելական արտադրության է, մի մասը՝ թուրքական:
