Հայաստանում կորոնավիրուսի հաստատված դեպքերի թիվը 9492 է, և, կարծես, իրականացավ այն կանխատեսումը, որ մայիսի վերջին կունենանք մոտ 10 հազար դեպք: Այդ մասին պարետատան նիստից հետո ասաց առողջապահության նախարար Արսեն Թորոսյանը:
Նա նշեց, որ լարված է մնում հիվանդանոցային մահճակալների ծանրաբեռնվածությունը, մասնավորապես վերակենդանացման բաժնի մահճակալներինը: Նախարարը տեղեկացրեց, որ այս պահին ունենք 440 ծանր քաղաքացի, ծայրահեղ ծանր՝ 55, որից 16-ը միացած է թոքերի արհեստական շնչառության սարքին:
«Իրավիճակի լավացման միտումներ դեռ չենք տեսնում և պետք է շարունակենք հակահամաճարակային միջոցառումները»,- ասաց Ա.Թորոսյանը:
Նա նշեց, որ ավելանում են շրջիկ լաբորատորիաների թիվը և, ըստ այդմ, ավելանում են նաև բացահայտվածների թիվը: «Մենք հիվանդանոցային պայմաններում կբուժենք միայն ծանր հիվանդներին, ասիմպտոմները բուժումը կանցնեն տանը»,- ընդգծեց նա:
