Խորհրդարանը փակ գաղտնի քվեարկությամբ ընտրել է Մրցակցության և սպառողների շահերի պաշտպանության հանձնաժողովի անդամներին: Կառավարող խմբակցության թեկնածու Շուշան Սարգսյանը, որպես ոլորտում 5 տարի աշխատած պաշտոնյա, ներկայացրել է վերջին տարիների ընթացքում տարբեր ոլորտներում շուկաների բազմազանեցման ցուցանիշները: Ըստ նրա, եթե նախկինում բենզինի շուկայում 6 տնտեսվարող էր, հիմա 14 է: Բացի այդ, բենզինի ներկրումը նախկինում մեկ երկրից էր, հիմա մեծացել է աշխարհագրությունը: Մյուս թեկնածուին՝ Արծվիկ Մինասյանին պատգամավորները հիշեցրել են նրա եղբոր քրգործի մասին, նաև հարցրել, թե ինչպես է արդարությունը պահելու, երբ առնչվի իր ներկայիս քաղաքական թիմի ներկայացուցիչների բիզնեսների ապօրինի գույքի գործերին:
Հեղինակ՝ Վարդուհի Արզումանյան
