Վարչապետի աշխատակազմի «Հանրային կապերի և տեղեկատվության կենտրոնը» հրապարակել է «Հայաստանյայց Առաքելական Սուրբ Եկեղեցու փաստացի պետի և մի շարք բարձրաստիճան հոգևորականների գործունեության արդյունքում Եկեղեցում առաջացած ճգնաժամի և լուծման ուղիների մասին» զեկույցը։
16 փաստեր, այդ թվում մամուլի հրապարակումներ են ներկայացված եկեղեցու ներսում արատավոր բարքերի ու տասնյակ տարիներ շարունակվող ապօրինությունների մասին: Նշվում է, որ եկեղեցու ներքին կառույցներում և ճեմարաններում արմատացած է բարոյական անկումը, իսկ միասեռականության ու սեռական զանցանքների, մասնավորապես՝ մանկապղծության մեջ կասկածվող կամ մեղադրվող որոշ հոգևորականներ ոչ միայն չեն պատժվում, այլև արժանանում են բարձրագույն ղեկավարության հովանավորությանը:
Վարչապետի հանձնարարությամբ կազմված զեկույցում առաջարկվում է 5 քայլ՝ ճգնաժամային իրավիճակի լուծման համար:Մայր աթոռ սուրբ Էջմիածնից արձագանքել են հրապարակված զեկույցին՝ նշել՝ այն իր բովանդակության և ձևի մեջ հակասահմանադրական է, հակականոնական և անօրինական։
Հեղինակ՝ Մերի Խաչատրյան
