Սյունիքի մարզում մոլորված երկու երեխաները չէին հատել սահմանը: Կարծում եմ՝ ավելի շատ սպասել են, որ մութն ընկնի, նոր վերադառնան: Այդ մասին Ազգային ժողովում 2024-ի պետբյուջեի կատարողականի նախնական քննարկումների ժամանակ ասաց Սյունիքի մարզպետ Ռոբերտ Ղուկասյանը՝ անդրադառնալով Տեղ համայնքի երկու անչափահասների մոլորվելու դեպքին:
«Այն հատվածներում, որտեղ իրենք մոլորված են եղել, այդտեղ կապ, որևէ բան գոյություն չունեն»,- ասաց նա:
Հիշեցնենք, որ Տեղ համայնքի երկու անչափահաս բնակիչների հայտնաբերվելուց հետո ԱԱԾ-ն հաղորդագրություն էր տարածել, որ նրանց հետ ունեցած զրույցներից պարզվել է, որ ընտանի կենդանիներին փնտրելու ընթացքում նրանք մոլորվել են և մառախուղի պատճառով չեն կարողացել կողմնորոշվել տեղանքում, և որ ադրբեջանցիների կողմից նրանց առևանգելու տեղեկատվությունը չի համապատասխանում իրականությանը։
