ՌԴ անվտանգության խորհրդի քարտուղարն անդրադարձել է «Կրոկուս սիթի հոլում» մարտի 22-ին տեղի ունեցած ահաբեկչությանը, որի հետևանքով 144 մարդ է զոհվել, այդ թվում՝ 6 երեխա: Նիկոլայ Պատրուշևի խոսքով՝ ահաբեկչության հետքերը տանում են Ուկրաինա, մասնավորապես՝ ուկրաինական հատուկ ծառայություններ:
Պատրուշևը հավելել է՝ Մոսկվային փորձում են համոզել, որ ահաբեկչությունը կատարել է «Իսլամական պետությունը»: «Հայտնի է, որ Կիևի ռեժիմն ամբողջությամբ վերահսկվում է ԱՄՆ-ի կողմից: «Իսլամական պետությունը» և ահաբեկչական այլ կազմակերպություններ ևս ստեղծվել են Վաշինգտոնի կողմից»,- հայտարարել է ՌԴ անվտանգության խորհրդի քարտուղարը։
Պաշտոնական Կիևը կտրականապես հերքում է իր մասնակցությունը տեղի ունեցած ահաբեկչությանը, նախագահ Վոլոդիմիր Զելենսկին էլ չէր բացառել, որ այն կարող էր կազմակերպված լինել հենց Կրեմլի կողմից:
Միջազգային լրահոսը՝ տեսաշարում:
