Մեղադրյալ Մառլեն Սարգսյանը հրաժարվել է ներկայանալ 15 զինծառայողի կյանք խլած Ազատի զինվորական կացարանի հրդեհի գործով դատական նիստին, որում, ըստ դատավորի, պետք է քննարկվեր Սարգսյանի նկատմամբ կիրառված սանկցիան հանելու և մասնակցության հարցը: Մեղադրյալի պաշտպանը նշել է, որ դատարանի որոշմամբ են նրան զրկել նիստին մասնակցելու իրավունքից: Այս գործով 5 մեղադրյալ կա, որոնք պատահարի ժամանակ եղել են պատասխանատու պաշտոններում։ Դատարանն այսօր նաև քննել ու 2 ամսով երկարաձգել է Գոռ Աղեկյանի խափանման միջոց կալանքը:
Մանրամասները՝ Տաթև Խաչատրյանի ռեպորտաժում։
