Բունդեսթագի հանձնաժողովի նախագահը առաջարկել է ԼՂ շրջափակման պատասխանատուների դեմ անձնական պատժամիջոցներ սահմանել
Գերմանիայի Բունդեսթագի մարդու իրավունքների և մարդասիրական օգնության հանձնաժողովի նախագահ Ռենատա Ալտը առաջարկել է Լեռնային Ղարաբաղի շրջափակման պատասխանատուների դեմ անձնական պատժամիջոցներ սահմանել։
«Իրավիճակը Լեռնային Ղարաբաղում իսկապես խիստ մտահոգիչ է, և ես ուշադիր հետևում եմ տարածաշրջանում տեղի ունեցող զարգացումներին»,- «Հայպրես» լրատվական գործակալության հարցմանն ի պատասխան հայտարարել է Ալտը։
Նա նշել է, որ իրավիճակի բարելավման նպատակով քննարկումներ է անցկացնում որոշում կայացնողների և ոչ կառավարական կազմակերպությունների հետ՝ վստահեցնելով, որ կշարունակի ջանքեր գործադրել ԼՂ բնակչության՝ մարդու իրավունքների ապահովման համար:
Նրա կարծիքով՝ ԵՄ-ն կարող է արդյունավետ ճնշում գործադրել Ադրբեջանի վրա միայն կենտրոնացված ուժով։ Ալտն անհրաժեշտ է համարել, որ Եվրոպական խորհուրդը և Եվրահանձնաժողովը հանդես գան նախաձեռնություններով՝ «շրջափակման քաղաքական ճարտարապետների դեմ անձնական պատժամիջոցներ կիրառելու համար»։
Die Vorsitzende des Ausschusses für Menschenrechte und humanitäre Hilfe, @RenataAlt_MdB, ist für „personenbezogene Sanktionen gegen die politischen Architekten der (#Bergkarabach-)Blockade“. Nur Gespräche zw. Armenien & Aserbaidschan seien laut Alt „eine unzureichende Maßnahme.“ pic.twitter.com/5e4uIQbmNH
— HAYPRESS (@HAYPRESS_news) September 4, 2023
