Հյուսիսային Չինաստանում պահպանվում է բարձր վտանգի ռեժիմը, հորդառատ անձրևները հեղեղել են մի շարք քաղաքներ, այդ թվում՝ Պեկինը:
Չինաստանի մայրաքաղաքի կենտրոնից մոտ 70 կիլոմետր հեռու գտնվող թաղամասերում մեքենաները հայտնվել են ջրի մեջ:
Պեկինում դադարեցվել է հարյուրավոր ավտոբուսների և մետրոյի աշխատանքը, չեղարկվել են տասնյակ չվերթեր, հայտնում է «Սինհուա» պետական լրատվական գործակալությունը։
Պեկինի իշխանությունները կիրակի հորդառատ անձրևների պատճառով կարմիր տագնապ են հայտարարել, իսկ երկուշաբթի ջրհեղեղի պատճառով այն բարձրացրել են ամենաբարձր մակարդակի: Իշխանությունները միլիոնավոր մարդկանց զգուշացնում են մնալ տանը։
Հորդառատ անձրևներից, որոնք, ինչպես ենթադրվում է, անցյալ ուրբաթ Չինաստանի հարավ-արևելքում պատուհասած «Դոկսուրի» թայֆունի հետևանք են, տուժել են նաև Հեբեյ և Տյանցզին նահանգները:
