Համաճարակային իրավիճակն Արցախում շարունակվում է բարդ մնալ: Կորոնավիրուսային հիվանդության օրական մինչև 100 նոր դեպքը, պետական նախարարի գնահատմամբ, մտահոգիչ է: Ուստի նոյեմբերի 24-ից Արցախում համապետական կարանտին է:
Արտակ Բեգլարյան, Արցախի պետական նախարար - Նաև այն պատճառով, որ պատվաստման մակարդակը շատ ցածր է, նույնիսկ կարելի է ասել՝ աշխարհում ամենացածր ցուցանիշներից մեկն է: Եվ մենք խնդիր ունենք մեր բնակչության զգոնությունը բարձրացնելու, նաև հստակ վարչական մեխանիզմներով վերահսկողության մակարդակը բարձրացնել՝ քաղաքացիների, հանրային տրանսպորտի, տնտեսվարողների և բոլոր հնարավոր ուղղություններով:
Արցախում այսօր հաստատվել է կորոնավիրուսային հիվանդության ևս 37 դեպք, արձանագրվել է մահվան 1 դեպք: Ստացիոնար բուժում է ստանում 113 վարակակիր: Բժիշկների գնահատմամբ՝ 18 հիվանդ ծայրահեղ ծանր, 60 հիվանդ, այդ թվում՝ երիտասարդ տարիքի, ծանր վիճակում է: Թեթև դեպքերում բուժում է իրականացվում ամբուլատոր պայմաններում:
Մհեր Մուսայելյան, Ստեփանակերտի հանրապետական բժշկական կենտրոնի տնօրեն - Պրակտիկորեն զբաղվում ենք ծանր և ծայրահեղ ծանր հիվանդներով: Թեթև ձևերին միանգամից փորձում ենք, բացատրում, ուղարկում ենք տուն: Իսկ թեթև և միջին ծանրության դեպքերի պարագայում ուղարկում ենք «Արևիկ» բուժմիավորում, որ ինֆեկցիոն բաժանմունքում շարունակեն բուժումը:
Համապետական կարանատինը հայտարարված է մեկ ամսով՝ մինչև դեկտեմբերի 24-ը: Պատասխանելով պատգամավորի հարցին՝ խորհրդարան-կառավարություն հարց ու պատասխանանին, Կրթության, գիտության, մշակույթի և սպորտի նախարարը հայտարարել է՝ պատրաստ են հերթափոխերով վերսկսել կրթական գործընթացը:
Լուսինե Ղարախանյան, Արցախի ԿԳՄՍ նախարար - Արդեն ունենք կազմած դասացուցակներ՝ բոլոր օղակների համար, եթե հրահանգ լինի բացելու, կարող ենք ճկուն դասացուցակներով, կանոնների խիստ պահպանմանբ սկսել:
Մեթոդական աջակցության նպատակով Առողջապահության նախարարության մասնագետների խումբը Երևանից մեկնել է Արցախ՝ տեղի մասնագետների հետ փորձի փոխանակման: Մեկամսյա կարանտինի ժամանակ փակ տարածքներում անցկացվող միջոցառումներին Արցախում կարող է մասնակցել 40 հոգի: Առայժմ հանրապետությունում մուտքի և ելքի սահմանափակումներ չեն կիրառվում:
30 հազար դրամի աջակցությունը դեկտեմբերից հետո կշարունակվի ևս 3 ամիս. Փաշինյանը՝ ԼՂ-ից տեղահանվածների աջակցության մասին
Լոռու մարզում կանխվել է վրեժխնդրության շարժառիթով պլանավորված սպանությունը
Լուրեր 10:00 | ԵՄ պատվիրակությունը ծանոթացել է Սյունիքում իրականացվող ծրագրերի ընթացքին | 03.11.2025
Սուրեն Պապիկյանն ու Լյուքսեմբուրգի պաշտպանության նախարարը քննարկել են տարածաշրջանային անվտանգության հարցեր
Վաչե Հովակիմյանը և Էդգար Հայրապետյանը լրացրել են միջազգային վարպետի երրորդ նորմաները․ Վաչեին պաշտոնապես կշնորհվի միջազգային վարպետի կոչում
Բեռլինի թանգարանային կղզու վեց թանգարանի ավելի քան 50 նմուշ է բերվել Հայաստան․ ցուցադրությունը կգործի մինչև մարտի 21-ը
Մադրիդի քաղաքապետարանը ՀՀ դրոշի գույներով լուսավորել է Բիլբաոյի շրջանաձև հրապարակի շատրվանը
ՌԴ Պետդումա է անցել 5 քաղաքական ուժ
Թբիլիսիի հեռուստաաշտարակը լուսավորվել է Հայաստանի Հանրապետության դրոշի գույներով
Հանրապետության Հրապարակը հիմա. վարչապետը տեսանյութ է հրապարակել