Մարդու իրավունքների եվրոպական դատարանը (ՄԻԵԴ) կարող է ձեռնարկել միջանկյալ միջոցներ այն բողոքի առնչությամբ, որով Հայաստանը պահանջում է պաշտպանել նոյեմբերի 16-ի միջադեպի ժամանակ Ադրբեջանի կողմից գերեվարված իր զինծառայողների իրավունքները։ Այս մասին ուրբաթ ТАСС-ին են հայտնել ՄԻԵԴ-ի մամուլի ծառայությունից։
«Դատարանը ստացել է 33 ենթադրյալ հայ գերիների նկատմամբ 39-րդ կանոնը (միջանկյալ դատական միջոցներ) կիրառելու մասին խնդրանքը։ 28 անձ ներառված է ՀՀ կառավարության կողմից միջպետական, հինգը՝ անհատական բողոքներում, որոնք ուղարկել են ենթադրյալ գերիների հարազատները»,- հայտնել են դատարանի մամուլի ծառայությունից:
