Եվրախորհուրդը պետք է Թուրքիային ստիպի անմիջապես կատարել ՄԻԵԴ-ի վճիռները, հակառակ դեպքում կառերեսվի մարդու իրավունքների խախտումների վարույթի հետ: Այս մասին հայտարարել են Թուրքիայում մարդու իրավունքների պաշտպանության գործով զբաղվող հասարակական կազմակերպությունները:
2021-ի հունիսի 7-9-ը նախանշված՝ Եվրախորհրդի նախարարների կոմիտեի առաջիկա հանդիպմանը կուսումնասիրվի Թուրքիայի կառավարության կողմից ՄԻԵԴ-ի երկու վճիռների չկատարումը: Human Rights Watch-ը և իրավապաշտպան այլ կազմակերպություններ կոմիտեին կոչ են անում բոլոր միջոցները ձեռնարկել Թուրքիայի ստանձնած պարտավորությունները կատարելու համար:
Նախարարների կոմիտեն լիազորված է խախտումների վարույթ իրականացնել Եվրախորհրդի անդամ երկրների դեմ, որոնք հրաժարվում են կատարել Եվրոպական դատարանի վճիռները: Նախադեպը եղել է 2017-ին, երբ Ադրբեջանի կառավարությունը բազմիցս հրաժարվել է առանց նախապայմանների ազատ արձակել սխալմամբ ազատազրկված ընդդիմադիր քաղաքական գործիչ Իլգար Մամադովին:
