Թուրքական դատարանն ազատ է արձակել պոլսահայ հայտնի լրագրող Հրանտ Դինքի սպանության գործով կալանավորված՝ ժանդարմերիայի նախկին սպա Վոլքան Շահինին՝ ներկայացնում է Anadolu գործակալությունը:
Հաշվի առնելով առկա ապացույցները, գործի շրջանակը, մեղադրյալների և վկաների հայտարարությունների համապատասխանությունը, դատարանը հիմնվել է թարմացված ապացույցների վրա, որոնք հօգուտ Շահինի էին: Նա ազատ է արձակվել դատական հսկողության ներքո:
Դատարանի մեկ այլ որոշմամբ՝ կալանքի փոխարեն դատարանի հսկողության ներքո ազատ է արձակվել գործով ևս մեկ մեղադրյալ՝ Ալի Օզը: Այս դեպքում դարձյալ հաշվի է առնվել մեղադրյալի և վկաների ցուցմունքների համապատասխանությունը:
Ե՛վ Շահինին, և՛ Օզին հրամայված է չլքել բնակավայրերը:
«Ակօս» թերթի գլխավոր խմբագիր Դինքը սպանվել է իր գրասենյակի առաջ 2007 թվականի հունվարի 19-ին:
