Շրջակա միջավայրի նախարար Ռոմանոս Պետրոսյանը գրառում է կատարել Ֆեյսբուքի իր էջում, որում հայտնել է, որ Սևանա լճի ափամերձ տարածքում կան ապօրինի հողազավթումների և կառուցապատումների շուրջ 150 դեպք:
««Սևան» ազգային պարկի տարածքում՝ Սևանա լճի ափամերձ տարածքում, ունենք ապօրինի հողազավթումների և կառուցապատումների շուրջ 150, տասնամյակներ առանց պետական գրանցման փաստաթղթերի տնտեսավարման՝ գրեթե 1000 դեպք:
Կարճաժամկետ հեռանկարում մեր առաջնային խնդիրն է պետական բացառիկ սեփականություն հանդիսացող տարածքներն ազատել ապօրինի տաղավարներից, շենք-շինություններից, պարիսպներից և դաշտում հաստատել օրենքի գերակայություն:
Այս ամենի գերնպատակը մեկն է՝ վերականգնել լճի էկոհամակարգը»,- գրել է նախարարը:
