Ընթանում ԵՄ լարված հանդիպումների երրորդ օրը: Եվրամիության առաջնորդները պայքարում են 2021-2027 թթ. բյուջեի նախագծի և կորոնավիրուսային համաճարակի հետևանքով տուժած տնտեսությունը վերականգնելու ծրագրի համար:
Առայժմ չի հաջողվում համաձայնության գալ բյուջեի հատուկ չափի և հակաճգնաժամային ֆոնդերի բաշխման հարցում: Պարզ չէ, թե որքան գումար պետք է հատկացվի դրամաշնորհների տեսքով և որքան՝ վարկերի:
Բուռն քննարկումներն ընթանում են մեկ ցուցանիշի՝ 1,8 տրիլիոն եվրոյի շուրջ, որը ներառում է յոթնամյա բյուջեն և ԵՄ տնտեսական վերականգնման ծրագիրը: Բազմաթիվ հարցերի շուրջ ԵՄ անդամները տրամագծորեն հակառակ դիրքորոշում ունեն: Արևելյան Եվրոպայի երկրները դեմ են բյուջեի ֆինանսավորման պայմանականությանը՝ պահպանելով օրենքի գերակայությունը: Կորոնավիրուսից առավել տուժած Հարավը համաձայն չէ Հյուսիսի հետ՝ նվազեցնել դրամաշնորհների մասնաբաժինը հակաճգնաժամային հիմնադրամների բաշխման հարցում, ինչպես նաև ստիպել դրանք ստացողներին իրականացնել բարեփոխումներ:
Ֆրանսիան և Գերմանիան առաջարկում են ԵՄ երկրներին միջոցներ հատկացնել անտոկոս սուբսիդիաների տեսքով: Սակայն «Տնտեսվար քառյակի» երկրները՝ Նիդեռլանդները, Ավստրիան, Դանիան և Շվեդիան, կտրականապես համաձայն չեն դրան: Նրանց ղեկավարները դեմ են առավել տուժած երկրներին (Իտալիա, Իսպանիա և մասամբ Ֆրանսիա) կես միլիարդ եվրո հատկացնելու ծրագրերին, ինչպես նաև պնդում են խիստ վերահսկողություն իրականացնել փողերի վրա:
Ըստ տեղեկությունների՝ քառյակի դիրքորոշումը զայրացրել է Ֆրանսիայի նախագահ Մակրոնին, որը սպառնացել է լքել գագաթնաժողովը, բայց չստորագրել «վատ պայմանագիր»:
