Կրեմլում խորապես անհանգստացած են Հայաստանի և Ադրբեջանի սահմանին տիրող իրավիճակի կապակցությամբ և կողմերին զսպվածության ու կրակը դադարեցնելու կոչ են անում:
Այդ մասին ասել է ՌԴ նախագահ Վլադիմիր Պուտինի խոսնակ Դմիտրի Պեսկովը՝ տեղեկացնում է РИА Новости-ն:
«Ռուսաստանը, մենք այդ մասին արդեն հայտարարել ենք տարբեր մակարդակներում, լինելով Մինսկի խմբի անդամ՝ պատրաստ է միջնորդական ջանքեր գործադրել կարգավորման համար։ Գիտեք, որ ակտիվ հեռախոսային շփումներ են եղել արտաքին գործերի նախարար Սերգեյ Լավրովի և Բաքվից ու Երևանից նրա գործընկերների միջև։ Եվս մեկ անգամ երկու կողմին էլ զսպվածության կոչ ենք անում»,- ասել է նա:
