Ֆինլանդիայի, Նորվեգիայի և Շվեդիայի ներկայացուցիչները մտավախություն են հայտնել մթնոլորտում ռադիոակտիվ իզոտոպների բարձր պարունակության մասին ՝ նշելով, որ ճառագայթման արտահոսքը կարող է լինել Ռուսաստանից:
Նիդեռլանդների իշխանությունները, վերլուծելով Սկանդինավիայի վրա ռադիոակտիվության բարձրացման բնույթը, եկել են այն եզրահանգման, որ աղտոտման աղբյուր կարող է դառնալ Ռուսաստանի արևմտյան ատոմակայաններից մեկը:
Ռուսաստանի ատոմային գործակալության հայտարարության մեջ, սակայն, ասվում է, որ երկրի հյուսիս-արևմուտքում երկու ատոմակայանները նորմալ են գործում, և այնտեղ արտահոսք չի նկատվել, հայտնել է TACC գործակալությունը:
«Սարքավորումների շահագործման վերաբերյալ ոչ մի բողոք չկա, և իզոտոպների ընդհանուր արտանետումը այս ժամանակահատվածում չի գերազանցել թույլատրելի նորմը»,- ասել է Росэнергоатом ընկերության ներկայացուցիչը:
Ավելի ուշ Նիդեռլանդների Հանրային առողջության և շրջակա միջավայրի ազգային ինստիտուտը հերքել է լրատվամիջոցների տարածած լուրերը, թե Ռուսաստանը դարձել է Հյուսիսային Եվրոպայում ճառագայթման մակարդակի բարձրացման աղբյուր: Կազմակերպությունը, սակայն, չի բացառել, որ ռադիոնուկլիդները կարող էին Եվրոպա թափանցել Ռուսաստանի արևմտյան հատվածից:
