Վարչապետը հանդիպել է խաղաղ պայմաններում զոհված զինծառայողների ծնողների հետ
ՀՀ վարչապետ Նիկոլ Փաշինյանն այսօր հանդիպել է խաղաղ պայմաններում զոհված զինծառայողների ծնողների հետ: Վարչապետը նշել է, որ այս հանդիպումը նախատեսվածից երկու ամիս ուշ է կայանում, քանի որ հույս ունեին՝ համավարակը հաղթահարած կլինեն: «Քանի որ համավարակը ձգվում է, հաշվի առնելով հարցի կարևորությունը, որոշեցինք չսպասել համավարակի հաղթահարմանը»,- պարզաբանեց վարչապետը՝ հավելելով, որ համապատասխան աշխատանքային խումբ է ձևավորվել՝ այդ զինծառայողների սպանությունների հանգամանքներն ուսումնասիրելու համար, ու այս ընթացքում աշխատանքները կանգ չեն առել:
