2027-ի դեկտեմբերի վերջին կավարտվեն Հյուսիս-Հարավ նախագծի Քաջարան-Ագարակ ճանապարհահատվածի շինարարական աշխատանքները:
32 կմ-անոց այս նախագծի ամենաբարդ աշխատանքներն արդեն իսկ ավարտված են: Գործող 50-60 կմ/ժամ արագության փոխարեն շահագործումից հետո Քաջարան-Ագարակ ճանապարհահատվածը կունենա 80 կմ/ժ արագություն:
Այս ճանապարհն ունենալու է անվտանգության բարձր մակարդակ և միջազգային ստանդարտներին համապատասխան ելք դեպի Վրաստան, Սև ծով և Իրանի Իսլամական Հանրապետություն:
Ծրագիրն իրականացվում է միջազգային ուժերով:
Այս ճանապարհի նախագծման, շինարարության և վերահսկողական աշխատանքներում ներգրավված են հայաստանցիներ, իրանցիներ և խորվաթներ:
«Ճանապարհային դեպարտամենտն» ամիսը երկու անգամ ստուգում է ճանապարհի որակն ու հուսալիության մակարդակը: Մշտադիտարկում է իրականացնում նաև նախագծի համաֆինանսավորող կողմը՝ «Կայունացման և զարգացման եվրասիական հիմնադրամը»:
Հեղինակ՝ Աննա Զախարյան













