Ալեքսանդր Լուկաշենկոն առաջարկել է Բելառուսի տարածքում վերսկսել Ուկրաինայում հակամարտության կարգավորման խաղաղ բանակցությունները։
«Մեր շահն այդ խաղաղ բանակցություններն են։ Եկեք խոսենք։ Առանց որևէ միջնորդության»,- նշել է Բելառուսի նախագահը։
Նա վստահություն է հայտնել, որ եթե Ուկրաինայում հակամարտությունը չկանգնեցվի, ապա այն կարող է հանգեցնել Երրորդ համաշխարհային պատերազմի։ Միևնույն ժամանակ, Լուկաշենկոյի խոսքով՝ առաջիկա ամիսներին Ուկրաինայում պատերազմը կավարտվի։
«Դա իմ անձնական կարծիքն է։ Բոլորն ասում են՝ ուժ չկա, ռեսուրսներ չկան, բոլորը հոգնել են»,- ասել է նա։
