Խերսոնի մարզի՝ ռուսական վերահսկողության տակ անցած Օլեշկի քաղաքում հոկտեմբերի 27-ին ուժի մեջ մտած հրադադարը պահպանվում է։ Այն պետք է տևի մինչև նոյեմբերի 1-ը։
Ռուսաստանը և Կիևը ռեժիմի խախտման դեպքեր դեռ չեն արձանագրել։ Ընդհանուր առմամբ, Խերսոնի ուղղությամբ ռազմական գործողությունները դադարեցվել են։ ԱՄՆ առաջին տիկին Մելանիա Թրամփը, որի ներգրավվածությամբ ձեռք է բերվել հրադադարը, հայտնել է, որ հումանիտար օգնության առաքումը հեշտացնելու նպատակով Օլեշկիում զինադադարի գոտին ընդլայնվել է։
Օրերս Մոսկվան և Կիևը պայմանավորվել էին ժամանակավորապես դադարեցնել Օլեշկի քաղաքի մերձակայքում ռազմական գործողությունները։ Վերջին շրջանում քաղաքում հումանիտար ճգնաժամ էր ստեղծվել․ չդադարող հարվածների հետևանքով անհնար էր դարձել հումանիտար օգնություն հասցնել այնտեղ մնացած բնակիչներին կամ տարհանում իրականացնել։
Մանրամասները՝ Դիանա Գասպարյանի ռեպորտաժում։
