Իսրայելում, քվեաթերթիկների 85%-ի հաշվարկից հետո գործող վարչապետ Բենիամին Նեթանյահուին աջակցող դաշինքն ավելի շատ ձայներ է ստացել, քան ընդդիմադիր դաշինքը՝ գլխավոր շտաբի նախկին պետ Գադի Այզենկոտի գլխավորությամբ, բայց ոչ բավարար՝ կառավարություն կազմելու համար:
Ըստ վերջին տվյալների՝ Նեթանյահուի բլոկը խորհրդարանում ստանում է 54 տեղ, Այզենկոտի ընդդիմադիր դաշինքը՝ 49: Նախնական արդյունքների համաձայն՝ Քնեսեթում ռեկորդային թվով տեղեր են նվաճում արաբական կուսակցությունները՝ 19 տեղ, և կարող են վճռորոշ դեր խաղալ կոալիցիա կազմելու գործում: Սակայն, ըստ իսրայելական ԶԼՄ-ների, ո՛չ Նեթանյահուն, ո՛չ էլ Այզենկոտը պատրաստ չեն համագործակցել նրանց հետ։
120 տեղանոց Քնեսեթում մեծամասնություն ապահովելու համար անհրաժեշտ է 61 մանդատ։
Իսրայելի նախագահ Իցհակ Հերցոգը խորհրդարանի ընտրությունում ձայների հաշվարկի ֆոնին կոչ է արել կուսակցություններին կոալիցիա կազմել՝ խուսափելով կրկնակի քվեարկությունից, գրում է The Times of Isarel-ը:
