Ըստ նախնական արդյունքների՝ Ստեփանավան համայնքում ընտրությանը մասնակցած 13 300 քաղաքացիներից «Քաղաքացիական պայմանագիր» կուսակցությունը՝ Արայիկ Ներսիսյանի գլխավորությամբ, ստանում է 4 681 ձայն կամ քվեների 35,2%-ը։ Այդ մասին Ֆեյսբուքի իր էջում գրել է ՏԿԵ նախարար Դավիթ Խուդաթյանը։
«Շնորհակալություն եմ հայտնում մեզ վստահած և իրենց քվեն տված բոլոր ընտրողներին, ինչպես նաև մեր թեկնածուին ու թիմին՝ կատարած աշխատանքի համար»,- գրել է նա։
Ավելի վաղ Լոռու մարզպետ Արեն Մկրտչյանը ներկայացրել էր Ստեփանավան համայնքի քվեարկության նախնական արդյունքները։
