Դպրոցները պետք է դադարեն կոռուպցիայի դասավանդման աղբյուր լինել:
Հայաստանի վարչապետն օրերս ասել էր, որ մեր դպրոցներում ուսուցիչներ կան, որոնք տգիտություն են դասավանդում: Նիկոլ Փաշինյանի հանձնարարականն է Կրթության, գիտության մշակույթի և սպորտի նախարարին՝ ազատվել այդպիսի ուսուցիչներից:
Նախարարը «Լուրերին» ասել է, որ չի հանդուրժվելու դպրոցներում պետական քաղաքականությունից ու չափորոշիչներից դուրս որևէ բան դասավանդելը:
Դպրոցներում որակի բացակայության համար, ըստ Ժաննա Անդրեասյանի, պատասխան է տալու անձամբ տնօրենը:
Այս տարի առաջին անգամ դպրոցներում կկիրառվի ղեկավար կազմի կատարողականի գնահատում, որի արդյունքը կդառնա դպրոցի տնօրենի ատեստավորման հիմք:
Հեղինակ՝ Մայա Խաչատրյան
