Ռուսաստանի նախագահի օգնականը մեկնաբանել է Պուտին-Թրամփ հեռախոսազրույցը։ Յուրի Ուշակովը նշել է, որ Թրամփի հետ զրույցում Վլադիմիր Պուտինը մեղադրել է Կիևին էսկալացիայի և հակամարտությունը ձգձգելու համար։
«Թեև նախագահների նախորդ զրույցի ընթացքում քննարկվել էր ԱՄՆ-ի և Ուկրաինայի մասնակցությամբ եռակողմ բանակցությունները վերսկսելու հնարավորությունը, այժմ իրավիճակն այլ է՝ հաշվի առնելով Ռուսաստանի տարածքին ուկրաինական հարվածները», - մանրամասնել է Ուշակովը։
Նրա խոսքով՝ Դոնալդ Թրամփը խոստացել է փոխանցել Պուտինի հետ զրույցի արդյունքները Կիևին:
«Նախագահների շփումը բովանդակալից էր, կասեի՝ բարեկամական, այն տևեց մեկուկես ժամ։ Նրանցից ոչ մեկը չէր ցանկանում առաջինն անջատել հեռախոսը», - եզրափակել է Ռուսաստանի նախագահի օգնականը։
