Լեհաստանի Օստրոլեկա քաղաքում 19-ամյա ուսանողը դանակով հարձակում է գործել տեխնիկումում՝ վիրավորելով առնվազն 8 մարդու, այդ թվում՝ 5 երեխայի, հայտնում է Polsat News-ը։
Բոլոր վիրավորները տեղափոխվել են հիվանդանոց։ Տեղական լրատվամիջոցների տվյալներով՝ նրանց թվում է ուսուցիչը, որը ստացել է ձեռքի վնասվածք։
Հարձակումից հետո 19-ամյա երիտասարդը լքել է դպրոցի տարածքը։ Ոստիկանությունը ուսանողին ձերբակալել է քաղաքային լողափի մոտ։ Հարձակման դրդապատճառները դեռևս անհայտ են։ Ոստիկանությունը հետաքննում է միջադեպի հանգամանքները։
Դեպքից հետո փակվել է թիվ 4 մասնագիտական և տեխնիկական կրթական համալիրը։ Օստրոլեկայի քաղաքապետը հրահանգել է արգելել կողմնակի անձանց մուտքը մյուս դպրոցներ։
