Գերմանիայի իշխող քաղաքական կուսակցությունների՝ Գերմանիայի սոցիալ-դեմոկրատական կուսակցության (SPD) և Քրիստոնեա-դեմոկրատական միության (CDU) արտաքին քաղաքականության փորձագետները չեն աջակցում Բեռլինի կողմից Ռուսաստանի դեմ պատժամիջոցները մեղմացնելու գաղափարին՝ քաղբանտարկյալների ազատ արձակման դիմաց, ինչպես ԱՄՆ կառավարությունն արեց Բելառուսի հանդեպ: Այս մասին DW-ի հարցմանն ի պատասխան՝ ասել են իշխող կոալիցիոն կուսակցությունների պատգամավորները:
Նրանց համոզմամբ՝ նման մոտեցումը Ռուսաստանի նկատմամբ կիրառելի չէ: Ըստ նրանց՝ «Պետությունը, որը պահում է հազարից ավելի քաղբանտարկյալի, միաժամանակ պատերազմում է Ուկրաինայի դեմ, չի կարող խրախուսվել պատժամիջոցների մեղմացմամբ, դա միայն կստեղծի սխալ խթաններ: Գերմանիան և Եվրամիությունը պետք է շարունակեն ճնշումը՝ միաժամանակ ձգտելով բոլոր քաղբանտարկյալների ազատ արձակմանը՝ թե՛ Բելառուսում, թե՛ Ռուսաստանում»:
Կրեմլը, սակայն, հայտարարում է, որ Ռուսաստանում քաղբանտարկյալներ չկան, ուստի որևէ գործարքի մասին խոսք լինել չի կարող:
