Պակիստանում ահաբեկչության հետևանքով կան զոհեր և վիրավորներ

Պակիստանի հյուսիս-արևմտյան մասում՝ Դերա Իսմայիլ Խան քաղաքում, պայթյունի հետևանքով 12 մարդ է զոհվել, ավելի քան 30-ը՝ վիրավորվել: Ահաբեկչության համար պատասխանատվությունը ստանձնել է «Թեհրիք-ե-Թալիբան Պակիստան» խմբավորումը:

Associated Press-ի տվյալով՝ ինքնասպան ահաբեկիչը պայթուցիկով լցված ավտոմեքենա է պայթեցրել ոստիկանական անցակետում:

Անցած շաբաթ Պակիստանի հյուսիս-արևմուտքում ահաբեկիչը պայթուցիկով բեռնված ավտոմեքենայով մտել էր ոստիկանական բաժանմունք։ Ահաբեկչության հետևանքով 16 մարդ զոհվել էր, 57-ը՝ վիրավորվել։