ՀՀ էկոնոմիկայի նախարարին կից հասարակական խորհրդի 3-րդ նիստին քննարկվել են նախարարության հիմնական առաջնահերթությունները

ՀՀ էկոնոմիկայի նախարար Գևորգ Պապոյանի գլխավորությամբ սեպտեմբերի 25-ին տեղի է ունեցել ՀՀ էկոնոմիկայի նախարարին կից հասարակական խորհրդի 3-րդ նիստը։ Այդ մասին հայտնում են նախարարությունից:

Ողջունելով խորհրդի անդամներին՝ նախարար Գևորգ Պապոյանը նշել է, որ տնտեսության զարգացմանն ուղղված գործընթացներում հասարակական կազմակերպությունների ակտիվ ներգրավվածությունը, համատեղ քննարկումներն ու աշխատանքը կարևոր են տարբեր տեսակետներն ու փորձը համադրելու, նոր գաղափարներ ձևավորելու և առավել հասցեական ու արդյունավետ լուծումներ գտնելու տեսանկյունից։

Նիստի ընթացքում նախարարն անդրադարձել է ՀՀ էկոնոմիկայի նախարարության հիմնական առաջնահերթություններին։

Այնուհետև քննարկվել են օրակարգում ընդգրկված մյուս հարցերը, ինչպես նաև դրանց վերաբերյալ խորհրդի անդամների առաջարկություններն ու դիտարկումները։

Գևորգ Պապոյանը նշել է, որ խորհրդի անդամների կողմից ներկայացված առաջարկներն ու մասնագիտական կարծիքները կքննարկվեն և հնարավորության սահմաններում հաշվի կառնվեն համապատասխան որոշումների կայացման գործընթացում։