Չորեքշաբթի Ադրբեջանի նախագահ Իլհամ Ալիևը հրամանագիր է ստորագրել մի քանի բանտարկյալի, այդ թվում՝ Ֆրանսիայի քաղաքացի Մարտին Ռայանին ներում շնորհելու մասին: Նրա ազատ արձակումը դարձել է Փարիզի հետ ավելի լայն պայմանավորվածության մաս՝ կապված ռուսաստանցի ուզբեկ օլիգարխ Ալիշեր Ուսմանովին ԵՄ պատժամիջոցների ցուցակից հանելու հետ:
Ռայանն ազատ է արձակվել նախագահի ներման հրամանագրով ևս 19 բանտարկյալների հետ, որոնցից չորսն օտարերկրյա պետության՝ Թուրքիայի, Ռուսաստանի, Պակիստանի և Իսրայելի քաղաքացիներ են:
Ֆրանսիացի գործարար Մարտին Ռայանը ձերբակալվել էր 2023 թվականի դեկտեմբերին և դատապարտվել 10 տարվա ազատազրկման՝ լրտեսության մեղադրանքով: Նրան մեղադրում էին Ֆրանսիայի արտաքին անվտանգության գլխավոր վարչության համար Ադրբեջանի զինված ուժերի մասին տեղեկություններ հավաքելու համար:
Համաձայնագրի մաս կազմող մյուս բանտարկյալը Անաս Դերազն է՝ ֆրանսիական ջրային ռեսուրսների կառավարման ընկերության ավագ մենեջերը: Նա դատապարտվել է 12 տարվա ազատազրկման՝ 2018 թվականին ռուսաստանաբնակ ադրբեջանցի գործարարից կաշառք ստանալու ենթադրյալ մեղադրանքով՝ կապված առգրավված զբոսանավի ազատ արձակման ջանքերի հետ։ Դերազը մնում է կալանքի տակ։
