Առողջության ապահովագրության ներդրման նպատակն է ունենալ համապարփակ ծածկույթ ՀՀ ամբողջ ազգաբնակչության համար, այն բոլոր ծառայությունների համար, որոնք առաջացնում են աղետալի ծախսեր և կյանք են փրկում: Այդ մասին ֆեյսբուքյան տեսաուղերձում նշել է առողջապահության նախարար Արսեն Թորոսյանը:
Նրա խոսքով՝ եթե այդ նպատակի շուրջ համախմբվում են բոլորը, ապա այդ նպատակին հասնելու ֆինանսական միջոցների շուրջ կարելի է բանավիճել: «Այդ բանավեճը բավական երկար կտևի, քանի որ դա մեր կողմից ճիշտ է, թեև հիմնավորված, բայց ընդամենն առաջին առաջարկն է»,- ընդգծել է Ա. Թորոսյանը:
