Անահիտ Մանասյանը մասնակցել է Մարդու իրավունքների պաշտպանության ազգային հաստատությունների եվրոպական ցանցի (ENNHRI) համաժողովին

Աշխատանքային այցով Շվեյցարիայի Համադաշնության Ժնև քաղաքում գտնվող Մարդու իրավունքների պաշտպան Անահիտ Մանասյանը մարտի 30-ին մասնակցել է Մարդու իրավունքների ազգային հաստատությունների գլոբալ դաշինքի(GANHRI) գլխավոր ասամբլեայի շրջանակներում կազմակերպված` Մարդու իրավունքների պաշտպանության ազգային հաստատությունների եվրոպական ցանցի (ENNHRI) համաժողովին։

Համաժողովի շրջանակներում քննարկվել են եվրոպական տարածաշրջանում մարդու իրավունքների ոլորտում առկա ժամանակակից մարտահրավերները, ցանցի 2026–2030 թվականների ռազմավարական գործողությունների պլանը և 2025 թվականի տարածաշրջանային հաշվետվությունը։

Մարդու իրավունքների պաշտպանության ազգային հաստատությունների եվրոպական ցանցը համախմբում է եվրոպական տարածաշրջանի ՄԻՊ հաստատություններին՝ խթանելու միջազգային համագործակցությունը և լավագույն փորձի փոխանակումը, հասցեավորելու իրավունքներին առնչվող արդի մարտահրավերները: