Հակառուպցիոն կոմիտեի նախագահը՝ «Մարտի 1-ի» գործով նոր մեղադրյալների մասին

«Մարտի 1-ի» գործով առաջիկայում նոր մեղադրյալներ կլինեն: Այդ մասին լրագրողների հետ ճեպազրույցի ժամանակ հայտարարել է Հակառուպցիոն կոմիտեի նախագահ Արթուր Նահապետյանը՝ անուններ չնշելով։

Նշենք, որ օրերս Հակակոռուպցիոն կոմիտեն մարտի 1-ի գործով մեղադրանքներ էր ներկայացրել այդ ժամանակահատվածում ՊՊԾ գնդի հրամանատար Ռոբերտ Մելքոնյանին և նրա տեղակալ Վալերիյ Օսիպյանին՝ ոստիկանության ստորաբաժանումների կողմից բռնության և հատուկ միջոցների գործադրմամբ «Ազատության» հրապարակում նստացույց անող խաղաղ ցուցարարներին ցրելու գործողությունները կազմակերպելու համար։